قصائد حسينيه لخادم الحوراء

هـذي الـطـفـوف ابـكـربـلـه لـوهـذي صفين

هـذا عـبـاس لـيـقـاتـل لـو أمـيـر الـمـؤمنين

تـحـير بـامـره الـعـسـكر ابـو فـاضـل مـدري حـيـدر

هـذي الـطـفـوف ابـكـربـلـه لـوهـذي صفين

زغـلـه حـيـدر كـل صـفـاتـه زغــلــه اخـــلاق وعـــلـم

رضـع مـن جـفـه الـشـجـاعـه وكـل مـضـامـيـــن الـحـكـم

نــــــزل عـازم عـالـشـهـاده ومــثــلــه مـاشــافـو عـزم

شـايـل الـسـيـف ابـيـمـيـنـه وبـــالــيـسـار ارفــع عـلـم

مــال بــيـهـم كـالـصـمـيـده اكـبـــالــه مــاتـوكـف زلـم

طـب رعـب جـيـش ا ل امـيـه خــلــه قـسـمـيـن انـقـسـم

قـسـم كـالـو هـذا ظـنـه حـيـدره

وقـسـم كـالـو هـذا سـبـع الكنطره

احــتـارت الـجـيـش ابـقـتاله قــاتــل ابــعــفـه وبـسـالـه

جـندل الفرسان سيفه وهمه بي امحيرين

احــتـارت الـجـيـش بـصفاته جـنـه مــلــك الـمـوت نـازل

اتــعــايـن اتـشـاهـد سـمـاته ابــدر مــاجـنـه بــو فـاضـل

جـــنـه حـيـدر يـا حـلاتــه لــوصــرخ هــل مـن مـنـازل

حــيــد مــيـشـنـي ضـربـته ابــد مــا يــحـظـى الـمقـابل

يــرعـب الــجـيـش ابـثـباته لـــو نـــزل مــثــل الـزلازل

زاهــد امـضــحـي ابـحـيـاته فــــي سـبـيــل الله يــقـاتـل

يـهـدي لله قـبـل مـا يـكـطـع ركـبته

كــل مــعـادي عـاده طـه وعـتـرتـه

قــبــل مــا اذبــح الـجـاحـد فــي سـبــيـــل الله اجــاهــد

ثـم بـسم الله الـرحـمـان اسـتـعـيـن

هــــذا عــبــاس لــيـقـاتـل هـــذا لــو فــارس مـــضـر

خـــــــلـــه روس اعـــداء فــوك لــكــاع تــنـزل كالمطر

يــحــرك الــيــابـس فـقـاره ويــحـــرك اويــاه الــخـضـر

شــافــو الــمــوت ابـسمـاهم شــــافــو انــجــوم الـظـهـر

هـــا انــا الــعــبـاس صــاح وصــاحــوا نــريـد الـمـفـد

يـــخــــطـــف لـــيـوكـف امــامـه ويـحـك ابجدمه لـعـثـر

اتـركـني فـدوه لـطـاح مـايـكـدر يـكـول

جـنـهـه صـفـيـن وبـرز فـحـل الـفـحول

ظــلــت الــجــيـش اتـعـثـر طــبــهــه بــركـان وتـفـجـر

ومــن حـمـيـم الـنـار روه الـظـالـمـيـن

ابـيـوم عـاشـر مـن مـحرم لقن العالم درس

بـس انـــا الـعـبـاس تـسـمـع بـعــد مـــــاتـسـمـع نـفـس

بـــيـــن يـسـراه ويـمـيـنـه الـــجـــيـش خـلاه انـحـبس

شــايــل الــسيـفـيـن جـفـه مــثــل حــيــدر بـــالامـس

يـدخـل ابـكـلب الـمـعـسـكر لــو خـلـص يـرجـع عـكـس

رجــع الــتـــاريـخ ســيـفـه وبــيـــده رجـعـه الـشـمـس

مـن عـلـي الـكـرار مـا خـذهـا لـعـزم

مـايـهـمـه الـمـوت يـدخـل مـبـتـسم

جــنــه حـــيـدر بـالـحـرب بــكــلــب الـحـومـه كـلـب

يــاخـذ الــحـومـه ابـيـسـاره وبـيـهـه يـرجـع عـالـيـمـيـن

هـــذا عــبــــاس لـيـقـاتـل هــذا مــو حـامـي الــحــمـه

حـــول الـــمـيـدان قــاعــه وبـــيـهــا اعـلـن مـحـكـمـه

طـــــالـب ابـدم الصـمـيــده وثـــــار امــه فــاطــمــــه

صـرخ صــرخه بــكـل ضمير اهـــــــــتـزت الارض وسمه

هــذا اخـر يـــوم هـــــــذا يـــــامـــيــه الـــظــــالمـه

احـكـم ابـقـطـع الــرقــــاب وبــــــيــهـا نـفذ صـارمــه

نــفـذ الاحـكام بــيـد بـكـل فـخـر

وذو الـفـقـار يـصـيـح تـسـلم يـكـمـر

جـــان عــطــشــان الـفـقـار وارتـــوه ابـــــدم الاشـــرار

ومـن طـلـب لـحـسـيـن مــنه يـجـيـب مـاي لــــرضــعــه

كــلـه عـد عـيـنـك حـســبي هـــسـه اجـيـب الـمـشـرعـه

صــــاح لـــبـيـك يـخـويـه وبــيـــهـــا هـذا الـسـابـعـه

راح والــحـربـه اعـالـمـنـتـه ابـــدمــــاهـــم مـصـرعــه

عـالـنـهـر شـاف الــحـسـيـن اتــكـــول جـنـهـا الـواقـعـه

هـــذا نـــصـــين ليـشـطـره وذاك راسـه قــــــالـــعــــه

اقـرع اجراس الـقـيامه ابـسيـفه شـيـال العلم

والـــجــهـنم سـاكـهـم ســوك الــغــنم

حـــول الـــعـــاشر قـيـامـه والــجــثـث ظـلت يـتــامه ا

أيـلايـه روس اعـداه اكـبـاله مطشرين

انــــه غـيـرت بـنـي هـاشـم نـــــــاده وبـصـوتـه هـتـف

انــه ابــن حــيـدر عــلـــي لمــا عــرف هــسـه عــــرف

انـــه مـــحـرابـي الـطـفـوف وعـــلـي مـحـرابـه الـنـجـف

طـاح عـبــاس المـــنـــاضـل ودمــه عــالـغـبره نــــــزف

مــن الــعــــرش ناداه المنادي فــزت عـــبــاس ابـشـــرف

بـصـوتـه نـحـر الــكمـر نـاده وهــــوه طـايـح عـالـجــرف

هــذا امــوانـه لـطـحـت فـوك الـنـهر

هـذا ظــهـر احـسـيـن هالساعه انكسر

صـــــاحـت امـلاك الـسـمـه هــذا مــوحــامــي الــحـمـه

هـذا مـوعـبـاس طـايـح هـذا ظـهـرك ياحسين

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

نـادت الـحـره الـعـقـيـلـه وعــاتـبــت

زيــنـب الــحـره يـعـبـاس انــسـبـت

كـدت بـيـدك نـانـكـني وكـلـت امـشـي ابـذمـتـي

زيـنـب الـحـره يـعـبـاس انــسـبـت

انه زينب من اعاتب حكي ياخويه الكفيل

كتلي اصيرلج يزينب سيف واعيون ودليل

وكتلي اصيرلج يخويه كمر وبوحشت الليل

هسه اريد الوعد منك شوف هالهجمت الخيل

وهلتشوف احسين طايح دمه عالغبره يسيل

وهـالـتشوف اختك سبوها مجتفه ويالعليل

وسـلـبـو خـدر الـفـواطـم لاتـظـل عـالـغـبـره نـايـم

ولـيـلـي وحـشـه واعـيـونـي انـعـمـت

ابيا وضع عباس خـويه كلبي اظل ابياوضع

اتنخي بسمك واحـشم خويه عباس السبع

يؤجع الصوت اعالصوتي وجنه صوتي منسمع

مـوطبـع عـباس هـذا ولاعـرف هذا الطبع

اسـكت وايـدي اعـالخدر وعيني غركها الدمع

يعني اصدك طحت خويه صعبه اصدك واقتنع

يـعـنـي اسـلـم لـلـقـدر طـاح عـبـاس الـكـمـر

وزيـنـب الـلــيــل وحـيـده اسـلـبـت

ادري ما ترض يخويه ادري ابو الغيره وشهم

وادري موبيدك يخويه الغدر من طاح العلم

ادري جفينك كطيعه وادري مصيوب ابسهم

كـلـي اشلـون بــيه لوشفت خصمك هجم

وانـه حـرمه ابــلايه والي ابين اطفال وحرم

كـلـي الـم أيـتـام كـلـي لـوطـفـي الخيم

كـلـي لـوعـيـن الـعـلـيـل بـالـلـه كـلـي يـا كـفـيــل

لــو أضـمـد امـتـونـي خـويـه لـورحـت

وحين سار الضعن بينه ومن حره بينه الشمر

عالنـهر جبنه ولكينه اجفوف واعيون ونحر

عندي نيشان وعرفتك انته ابو الغبره الكمر

خـتم حـيدر بـالشفايف باكي بجفوفك اثر

من الزغر نذر لـحسيـنك هسه وفينه النذر

اوكـفـت يـمك عاتبتك جن اسمعك تعتذر

كـتـلي اسـف بـالـعـقـيـلـه جـاوبـك دمـعـي ابـمسـيـله

انــه ويــاك يــخــويــه الــقــصـرت

مـاعفـت خيتك وحيده وانته طايح منذبح

نمشي زينب وانته جبت اوياه راس اعالرمح

يـجـدي بيه اشمر كوه وبيه يضرب هالوقح

امشـي وعــيوني اعالعينك بيها نيران انجرح

من اصبح ايميل راسك وادري كلبك ينجرح

تريد تفزع تـحمي اخيتك لجن هذا مايصح

انه اعـذر يبـو الغيره وحدي الحملهه المسير

ابـراسـي غـيـره انـه مـنــعـنـدك شـلت

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

كلمة والعالم

كـلـمـة والـعـالـم سـمـعـهـا عـلى الـعـرش ربـك رفـعهـا

يـا حـسيـنـاً يــا حـسـيــن يـا حـسيـنـاً يــا حـسـيــن

كــلـمـة يـعـشـكـهـه لساني مـا تـفـسـرهـا المـــعـانــي

بــيــهـه تـتـحـقـق امـانـي صــارت انـشـودة زمـــانـي

مـا فــلـح كـلـمـن مـنـعها عـالـعـرش ربــك رفـــعـها

يـا حـسيـنـاً يــا حـسـيــن يـا حـسيـنـاً يــا حـسـيــن

كـلـمـة مـسـكـنـهه الـضمير شـــافــهـه حـتى الـظـريـر

ذخــر صــارت لـلـفـقـيـر بـيـهـه بـلـشـدة اسـتـجـير

الـلـه يـرحـم لــو سمـعـهـا عــالــعـرش ربـك رفـعـهـا

يـا حـسيـنـاً يــا حـسـيــن يـا حـسيـنـاً يــا حـسـيــن

كـلـمـه احـلـه مـن الـشـهـد صــعـبـه نـنـسـاهـه بـعــد

روح صــــارت بــالـجـسـد صـحـنـة بـيـهـه مـن الـمهد

وي لـــبـن كـلـبي رضـعـها عــالـعـرش ربـك رفـعـهـا

يـا حـسيـنـاً يــا حـسـيــن يـا حـسيـنـاً يــا حـسـيــن

شــردا وصـحـنـهـه واكــول هــيــه حــيـدر والـرسـول

حـيـرت كـل الــــــعـقـول كـلـمـة تـعـشـكـهـا البتول

بـيـهـه يـتـتـجـير ظـلـعـهـا عــالـعـرش ربـك رفـعـهـا

يـا حـسيـنـاً يــا حـسـيــن يـا حـسيـنـاً يــا حـسـيــن

الــدمــع غــالــي وصـعـب لــكــن ابــحـبـهـه يـصـب

نــبـض صــارت لـلـكـلـب شــمــعـه ونـضـوي الـدري

ســلــوت الـروح وشـمـعـها عــالــعـرش ربـك رفـعـهـا

يـا حـسيـنـاً يــا حـسـيــن يـا حـسيـنـاً يــا حـسـيــن

يـا حـسـيـن انـتـه حـبـيـبي مـشـرفـي صـرت ومـغـيـبي

بـلـسـم اجـروحـي وطـيـبي تـستلذ روحي ابـنـحـيـبـي

وتـسـتـلـذ عـيـني أبــدمعها عـــالـعـرش ربـك رفـعـهـا

يـا حـسيـنـاً يــا حـسـيــن يـا حـسيـنـاً يــا حـسـيــن

خادم أهل البيت

رضا العبادي

صور لمرقد علي بن ابي طالب(ع) من الجو

صور لمرقد امير المؤمنين علي بن ابي طالب (ع)

صورقديمه لمرقد الامام علي بن ابي طالب (ع) مدينه النجف الاشرف

المتشرفون بالدفن في مرقد امير المؤمنين علي بن ابي طالب (ع)

مجموعة كبيرة من العلماء والفضلاء الحوزة ومشايخ والسادة وهذه صور من بعض الصور ومن اراد زياره موقع العتبه العلويه المقدسة  http://www.imamali-a.com/?part=52&p=18&q=

زياره الاربعين على طريق الناصريه

قرب شركه اور العامه

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

زياره الاربعين في مدينه الناصريه قرب تقاطع سوق الشيوخ

قصيدة خادم الحوراء رضا العبادي

بــسـيوف الكـفر مـا طـاحن الجـفـيـن

ولافــــوك الـجـــــروف الرايـه ملـفوفـه

اذا الـعـباس بالــطـف يعـني كــرار

مانــــخـلـف بــــيـهـا وهــــاي معـروفـه

واذا الكرار بالطف يعني ذا الفقـار

يـا جـيـش لــيجـازف يــرفــع اســيوفـــه

ويا فـــارس بـطل بـيـهـم يـكـرب العـباس

كـــدامـه الــــزلـم مــــرعـوبه مـجتـوفـه

اذن تـــسـال عــليهن طـاحــن اشـلــــون

انـطــيــك الاجــابــه بــصـيـغـه مــئلـوفه

سـمـع مـاي الــفـرات اتــنخـه ياعـبـاس

وضــلت بالـجـدام اتــبـوس اجـــــروفـــه

وسمـع بحسين نـاده وكـله خـويه الـجيش

صـوب اخــــــيام زينـب زحـفت اصـفوفه

اشكـد صـعب الـقرار ابهـاي يالعـباس

علـــــى المـثلك هــضيـمه حـأيــر انـشوفه

عــاداك الــزمان وخـيرك بـين اثنـين

تــــعـوف اخـتك وحـيــــده ابدمعه مذروفه

لوتكـصــد خيــمها وتنــسى امــر المـاي

هــــذاك الـي تـوسـل خـايـف اتـــــعــوفـه

وكـف مـحتار لـحظه ومـنها ذب الماي

وركـض صوب الخيام ابروح مـلهوفه

لـــكـن مانسـا اتنخــه بســـمـه الـمـاي

ابوفــاضــل شــهامـــه اتنكط احروفه

كبــل مـا يركـض لـزينـب كـطع الـجفين

حـراس عـلى الـنهـر خـلاهـن اجـفـوفه

ومـن طـاح الكـفيل الرأس ظل مرفوع

حـــــارس عــــالـسبـيـه راح لـلـكـوفـه

:::::::::::::::::::::::::::::::::::::::::::::::::::::::::::::::::::::::::::::::::::::::::::

القصيده قومي أري

واه زيـنــبـا واه زيـنـبا واه زيـــنـبا قـومي أري رأس حسينـا عالضبـا

قـومي أري يا زيـنبا رأس الرسول قـومي أري يا زيـنبا قـلب البـتـول

رأدو بـه ليـغـضـبـو فـحل الـفحول أنما الرحـمــان مـنهـم غـضـبــــا

قومي يا كبرى أري رأس الحسين يـشـبح العـيـن يـسـارا ويـمـيــــن

وأنـتي فـي حيرى بـين الـظالميـن تـجمعي الايـتـام ام تـطفي الـخـبا

قومي ياكبرى أري رأس الشهيد يـــتـلو للــكـون أيـــاتــه الـمــجــيـد

(أتقو الله يـا قــــوم يــــزيــــد ) أنـي خـــيـــر الـــناس أمــــا وأبــــا

قـومي يا حـوراء بالقلب الجريح وانـظري الـقران مـصروعا ذبيـح

قـد جـسد الـمذبوح قرانا صريح ذلــــك الـقــران دمـــــا كـــتـــــبا

قــومي يا بـنـت حـبيب الـعالـمين وانـدبي الـمـذبوح بـصوتـا حـزين

واه حسينا واه حسينا واه حسينا ودعي الــمذبــوح مـن قبـل الـــسبا

قـومـي يا بـنـت الـوصـي حـيـدرا ردو بالــطــــف ديــون خيــبـــرا

أخـــــذو الثـــار بمـــائه وأكثـــرا ذبـحـو خـامـس أصحاب الـعــــبا

قـــومي يا صـديقـه يـا بنـت البتول انـظري الـريحـانه داسـتـه الـخيـول

نادى واه كرار واه جدي الرسول قـتــل الـسـبـط نــادى الـمـجـتـــبى

قـــــــومي يا بنت التي خير النساء انــظري لـــسبط مــسلوب الــــردا

ذبيـــحا عـــــاريا فـــوق الــــثرى بـــســيـوف ورمـاحــــــا ضــربــا

ثـم صوب الـنهـر يا حره اقـصـدي ستــري الـعـبـاس مـقـطـوع الـــــيد

أخـي الـــعبــاس أغــثــنــي رددي ستـــري الــعـبـاس يـهـتـز غـضـبا

يــــاوديـعـه حـــيدر زيـدي العويل قــســمـا بالله قــد حــــان الـرحيل

قــــــــدهوى عالنهر مذبوح الكفيل فـوق جـرف الـنهر يزهو كـوكـبا

.......................................................................................

القصيده لا أبالي

لا أبـــــاُلـي وأن كـُـنـت وحــــيــد فـبـقـتـلي يـحـيـى قـرانُ الـمجيد

نــزل الـسـبـط ُ كــالليثِ يـقـــول هــا أنا الحُــسين وجـدي الـرســـول

وأبـــيَ الـكـــرارُ وأمـــي الـبـتــول صـفـوة الله ِ واللهُ شــــــــــهـيـد

جــئــت ُ لــطفِ كي ألــقى الممات أشــهــر الـسيــف َ كــلا للطغاة

أن قـتـلي ليـستَ مــن أجلُ الفرات أنــمـا للـديـن ِ قـد ســالَ الوريــد

لا أبـاُلي الـمـوتَ لا تـلك الـحُـشود لا أبــاُلــي الــسيـف لا تلك الجنود

أبــي الـكــــرارُ تـخـشـى الأسود فـحـشـى للهِ أن أخـشـى العـبـيد

لا أبـــالـي وأن ســـــالــت دمـــاء أفـــــديـت ُ نـفسي لــربِ الـسماء

أقــبــلُ الـــمـوتِ والـــــذل فــلا بــايـعـتُ ربــي فتبــا ً يـا يــزيـد

لا أبــــاُلـي الـــمـوت واللهِ مـحـال أملكُ اصحاب لا تـُـخشـى الـنــزال

أنـظرو العـباسَ فـي ســوح القتال مـبـتسـم للموتِ بـالـطفِ سعيد

أن أرى جسـمي صـريعا ً بالطفوف وأرى الـــعبـاسُ مــقطوع الكفوف

وأرى أصـحـابي نـهـبـا ً للـسيـوف أمــضـى فــي ديــني ولا عنهُ أميد

خادم الحسين رضا العبادي

رضا العبادي شاعر حسيني

مواليد الناصرية 1988

كتب الشعر في سنة 2004

خريج معهد تقني

له من اقصائد منها

بنت أبيوت

بـنـت ابــيوت زينب تــطلع اشلون

بس اخيال طلعت والشكل محجوب

لادكــلي سبــوهـــه اتزعل العباس

لان ذمـة العــقيـلة ابشاربه المهيوب

حجبها الــكـفـيـل ابـغـيرته اشلون

عليها اتكول طلعت والمتن مضروب

حـاك الثـوب بيده وروحه القماش

حـجـب حـتـى اسـمـهـا ولبسه الثوب

مـا صـدك لـزينب شـافوا خـيـال

جـريـمـة اتكول طلعت شكت اجيوب

بـنـت الـزهـرة هاي لصاغه الله

تـاج مـن الـشـرف عـالنسوه منصوب

لا تـنـطق سـبـوه ابـيشيب الراس

سـبـوهـه اهواي صعبه اذوب الكلوب

اذا تنطق سبوهه ايموت الحسين

والـــعــبـاس كـلـه ابـهـيـبـتـه يــذوب

لاتذكر سبوهه اتـعـيـد عــاشـور

وتــرجــع الــــزمان يـحـمـل اذنــوب

لاتذكرهه زينب تنـسبي أبـهـاي

وتـجـيـب امـنـيـن حيل وتنسبي النوب

تعالي انوب زينب شوفي الحسين

عــالــغــبــرة ذبـيـح وثـوبـه مـسـلـوب

وتعالي انوب زينب شوفي عباس

طـايـح عـلـى الـنـهـر وبعينه مصيوب

ودكومي انوب زينب شدي الوزار

عــمـود الـبيت طـاح لـجـان مـنصوب

وتـعالي انـوب زينب لـمـي الايتام

تـاهت بـالـبـراري وظـلـمـه الـــدروب

وتـعـالي انـوب زينب طفي لخيام

بـيـهـه اطـفـال رضــع راحـت اذوب

وتعالي انوب زينب عيني سجاد ؟

جـا زينب شـطـلـعـت كـلي جم دوب

كـلـي شـبـقـى بزينب تمشي لشام

وعمر زينب شمع وحساب محسوب

زين وعدها زينب ظلت اعيون

دمـع زينب يـذوب اعــيــون يعكوب

صبر زينب يهدم امتون الجبال

زيـن ومـــتـن زينب شـايــل الـثــوب

زيـنـب هــــيــه زيــنـــب الابـطــال

بت حيدر علي بيها المثل مضروب

اشرقت زينب شمس واشعاعها اسيوف

كـطـع راس الــظلام وشرع البوب

لــذا هـيـه لـسبـت من طـبـت الــشام

وارى هذا الصحيح وغيره مكلوب

زينب شمس شرقت برض الطفوف

وبلاد الشام غابت وكت الغروب

قــوافــي ادموعي لصبت بنت بيت

ومـصـايـب كربلة ابكلبي بنت بيت

انـه ام الـخـدر زيــنــــب بنت بيت

هــضـيـمـة ابـــلا ولــي اطلع بيه

القصيدة الثانية

يلوموني أحبك

يـــــلوموني أحبك يا امير المؤمنين

لان عمـــيان حكـــهم مـــن يلـــــمون

عـــميان الكـــلب مو بالنظر عميان

اهـــويه أعيــون عـــدهم ما يشوفون

يشـوفك ياعلي بس الراسه مرفوع

وهـم عكس الخلك عالروس يمشون

كـلتهم أحـب حـيدر علــي الـكـرار

وسـمعـوني الـطغاة وكـــالو أشلون ؟

عدتهه وما خفت كلتلهم أنه أهواك

ومـن سـمـعـو عـلـي ظـلو يرجفون

علي موحقي أحبك حقي أجنن بيك

وبـسـيـف الـغـرام أكطعها الاظنون

أنا الشيعي الرافضي الذوب الروح

أبـحـبـك يـا عـلـي وصـار مـجـنون

وانا الشيعي الرافضي الدمي مسفوك

هـيـج ابـلايـه حـق وغـرك الـكـــون

لأن حــيدر أمـــيري وساكن الروح

مـا عـدهـم مثـيلـك حـكـهـم يغارون

وحتى أنه من أزورك والله يا مولاي

أهــــوايـة اخـتـلف عـن الـيـزورون

أجيب أهلي لضريحك من أمر بيك

خـاف اعـيـونـي تعمى أداين اعيون

كبل جدمي لضريحك تركض العين

لأن حبك يا علي مزروع وي ساسي

علـــي يا عـــلي ماصيح كل سـاع

كـل لـحـظـه أصـيح أبكلبي وحساسي

علــي دكات كلبي ودمي بالشريان

عـلـي نـسـمـه شـمـال وتـغـفـه بنفاسي

علـــي مـو كــلبي حبـك كـلي حبيت

مـن طـرف جـدمي لـشـعـر راســــي

علـي نـهـج البـلاغـة وناسخ القران

عـلـى ظـهـر الـكـلـب أيـاتـه كـاتـبـهـا

علي طبعه النصيحه ومايسله السيف

يــســلــه مـن تـمـد اعـداه مـخـلـبـهـا

علي أبكد السمه اكبال الطغاة يصير

وتـصـيـر الـكـاع مـهده بزود راكبها

علـي سـاك الـطغـاة بـسيـفـه لــدين

زحـفـهـا غـصـب وبـسـيـفـه طـبـبـهـا

وموبس الأنس حاربها ابو الحسين

عـلـي لـجـن نـزل ولـوحـده حـاربـهـا

علــي بخيبر تعرفه اسوه بالجيش

سـحـك روس الـيهود وكص شواربها

علـي الباب انحناله وباس رجليه

كـلـه اسـحـك عـلـيـه وخـيـبـره طـبـهـا

يـدري مـن يـعـانـد يصـبح اثنين

لأن شـاف ابـعـيـونـه اشـلون مـرحبها

علي مرات الفقاري لكعده يرتاح

ويكض بيده الزام راس براس يضربها

علـي الـدنـيـه تـحبه وجلبت بي

طــــلـكـهـا بـثـلاث وكـال مـا حـسـبـهـا

علي يحب الصلاة وعاشك الصوم

عـلـي أتـحـبـه الـعـبـاده بـزغر صاحبها

علي برمضان قط ما يفطر أبماي

يـحـــط هـــم الـفـقـاره بـجـفـه بـيشـربـهـا

علي اكبال اليتامه يصير ممنون

يــنــفـذ مـــا تــأمــــر وكـــل مـطـالـبـهـا

علـي جـان ليزعله يكله معذور

لأن كـلـبـه جـبـيـر وعـقـلــه حــاســبـهــا

بـس ويـلـه لـتماده وزعل ايتيم

عــلى راس الـتـمـــاده الـدنـيـه يـكـلـبـهـا

الشاعر رضا العبادي

الناصرية /حي اور